सिन्धुली । जिल्लाको कमलामाई नगरपालिकामा बाग्मति प्रदेश स्तरीय बाल सुधार गृह निर्माण हुने भएको छ । कमलामाई नगरपालिकाले विहिबार बालगृह निर्माणका लागि जग्गा उपलब्ध गराएको छ ।
कमलामाई नगरपालिकाका अधिकृत सागर कुमार ढकालका अनुसार नगरपालिकाले नगरपालिकाको वडा नं. ७ को रातामाटेमा ४० कठ्ठा जग्गा उपलब्ध गराएको हो ।
विहिबार जग्गा उपलब्ध गराउने सम्बन्धि कागजात, निर्णय लिखतहरु र जग्गाको नक्सा समेत सर्वाेच्च अदालतका न्यायाधिस एवं राष्ट्रिय बाल न्याय समितिका अध्यक्ष प्रकाशमान सिह राउतलाई हस्तान्तरण गरिएको छ । नगर प्रमुख खड्ग खत्रीले उक्त कागजात हस्तान्तरण गरेका हुन ।
सिन्धुलीमा बन्ने उक्त बाल सुधार गृहमा पाँच हजार बालबालिका राख्न सक्ने गरि पूर्वाधार तयार हुने छ ।
बाल सुधार गृहमा एउटा अस्पताल, मनोसामाजिक परामर्श सेवा, मनोरञ्जन र औपचारिक शिक्षा समेतको सुविधा रहने छ ।
