सिन्धुली । कमलामाई नगरपालिका वडा नं ५ मधुटारकी गिता कार्की काफ्लेले छोरीको जन्मदिनमा कोरोना संक्रमितको उपचारका लागि निर्माण गर्न थालिएको आइसोलेसन भवन निर्माणका लागि र मृगौला पीडित व्यक्तिको उपचारका लागि आर्थिक सहयोग गरेकी छिन ।
कान्छि छोरी रोशिका काफ्ले पाँच वर्ष पुगि छ वर्षमा प्रवेश गरेको अवसरमा विहिबार आइसोलेसन भवन निर्माण स्थलमै पुगि छोरीको हातबाट ५ हजार ५ सय ५५ रुपैंया सहयोग गरिन । उनले निर्माण समितिका सचिव उद्धव दाहाललाई छोरी मार्फत उक्त रकम हस्तान्तरण गरिन ।
यस्तै विहिबार नै काठमान्डौमा उपचाररत कमलामाई नगरपालिकाको ढकालगाउँका मृगौला पीडित आदित्य किरण थापालाई पाँच हजार पाँच सय पाँच रुपैंया सहयोग गरेकी हुन । उनको खातामा उक्त रकम ट्रान्फर गर्न प्रयास गरिए पनि खाता नं. समयमा प्राप्त नभएकाले शुक्रबारमात्र उक्त रकम ट्रान्फर गरिने कार्कीले बताईन ।
जन्मदिनमा गरिने फजुल खर्च बचाएर सामाजिक काममा लगाईएको कार्कीले बताएकी छिन ।
