सिन्धुली/ सिन्धुली अस्पतालले सचेतना ¥यालीसँगै निःशुल्क मास्क वितरण गरेको छ । शनिबार विहान अस्पतालले सिन्धुलीमाढी बजार, मधुटार लगाएतका बजार क्षेत्रमा मास्क वितरण गरिएको हो । कोरोनाबाट बच्ने उपाय, हात धुने तरिकाबारे जानकारी दिदै स्थानीय व्यवसायी, पैदल यात्रु, सवारी चालकहरु लगाएतलाई मास्क वितरण गरिएको सिन्धुली अस्पतालले जनाएको छ ।
उक्त कार्यक्रममा सिन्धुलीका प्रमुख जिल्ला अधिकारी योगेन्द्र प्रसाद पाण्डे, अस्पताल विकास समितिका अध्यक्ष प्रलाद कुमार पोखरेल, अस्पतालका मेडिकल सुपरिटेन्डेन लक्ष्मण खड्का, चिकित्सकहरु, नर्सहरु लगाएतका स्वास्थ्यकर्मीहरु, पत्रकार नागरिक समाजको समेत सहभागिता रहेको थियो ।
नागरिकलाई मास्क लगाउन बानी बनाउन र कोरोना संक्रमणबाट बचाउन सचेतना कार्यक्रम सहित मास्क वितरण गरिएको अस्पताल विकास समितिका अध्यक्ष प्रलाद पोखरेलले बताए ।
बजारमा भिडभाड बढी रहेको र मास्कको प्रयोगमा धेरै नागरिकले ध्यान नदिएकाले बानी बनाउन सचेतना सहित मास्क वितरण गरिएको उनले बताए । अस्पतालबाट बसपार्क, स्टलबजार, १ नं. बजार, गैरी बजार, २ नं. बजार, मधुटार लगाएतका ठाउँमा मास्क वितरण गरिएको हो ।
केहि दिनदेखि जिल्ला प्रशासन कार्यालय, जिल्ला प्रहरी कार्यालय सिन्धुली, उद्योण वाणिज्य संघ सिन्धुली लगाएतका निकायहरुले मास्क वितरण गरिरहेका छन । मास्क नलगाउनेलाई प्रहरीले कारवाहि पनि थालेको छ ।
तथापी मास्क नलगाई पसल, चोकहरुमा भिडभाड जम्मा गरेर बसेका समेत देखिएका छन । अभियान सञ्चालन गरेपछि मास्क लगाउनेको संख्यामा भने वृद्धि भएको प्रमुख जिल्ला अधिकारी योगेन्द्र प्रसाद पाण्डेले बताएका छन ।
