सिन्धुली । सुनकोशी गाउँपालिकाले कोरोनाको रोकथाम तथा बचाउका लागि पूर्व तयारी बैठक विहिबार बसेको छ । गाउँपालिका अध्यक्ष दिपा बोहोरा दाहालको अध्यक्षतामा बसेको बेैठकले क्विक रेस्पोन्स टिमको निर्माण गरेको छ ।
गाउँपालिका अध्यक्ष दाहालको संयोजकत्वमा १० सदस्यीय टिम निर्माण गरेको हो । जसको सहसंयोजकमा दिर्वसिंह मोक्तान, सदस्यमा मणिराम आचार्य, विष्णु दर्लामी, मंगललाल फुयाँल, महेश्वर प्रसाद दाहाल, माधव प्रधान, इन्दिरा राजभण्डारी, विकास सुन्तार र सदस्य सचिव ओमप्रकाश झा रहने गरि टिम निर्माण गरिएको हो ।
बैठकले कोरोना संक्रमण तयारी स्वरुप १० लाख बराबरको उपकरण तथा सामग्री खरिद गर्ने निर्णय गरेको छ । यस्तै अति आवश्यक काम बाहेक गाउँपालिकाका वासिन्दालाई घरबाहिर जान नदिने निर्णय गरेको हो ।
यस्तै विशेष अवस्था बाहेक कर्मचारीहरु र स्वास्थ्यकर्मीहरुलाई विदा नदिने, आत्मीय अस्पताल र रातामाटा स्वास्थ्य चौकीमा आईसोलेसन वार्ड निर्माण गर्ने, स्थानीय सञ्चारमाध्यमबाट सूचना मूलक जानकारी सम्प्रेषण गर्ने लगाएतका निर्णय गरेको छ ।
