सिन्धुली । जिल्लामा कोरोना भाईरस विरुद्ध नागरिक समाज तथा पत्रकारलाई सचेतना गरिएको छ । कार्यक्रममा नागरिक समाज र सञ्चारजगतले स्वास्थ्य संस्था, सरकारी निकाय, स्थानीय तहहरु तथा नीजि क्षेत्रसँग साझेदारीमा कोरोना भाईरसका बारेमा सचेतना फैलाउने समेत भएका छन ।
युएएआईडि, एफएचआईको सहयोग तथा इन्सेकको आयोजनामा सिन्धुलीमाढीमा आयोजित पारस्परिक जवाफदेहिता परियोजना अन्तर्गत विकासका लागि नागरिक समाज तथा सञ्चार जगतबीच सहकार्य विषयक अन्तक्र्रिया कार्यक्रममा नागरिक समाज र पत्रकारले सचेतनाका कार्यक्रमलाई प्राथमिकता दिने बताएका हुन ।
२०७६ फागुन ३० गते सिन्धुलीमाढीमा आयोजित कार्यक्रममा नागरिक समाजले आफ्ना नियमित कार्यक्रमहरुमा एक सेसन कोरोना भाईरसको बारेमा सचेतना कार्यक्रम गर्ने भएका छन । यस्तै प्लान इन्टरनेशनल नेपाल, रिलिफ नेपाल, लगाएतका संस्थाहरुले कोरोना भाइरसको सचेतना दिने पर्चा पम्पलेट प्रकाशन गरि सबै स्थानीय तहमा पु¥याउने भएका छन ।
नागरिक समाजले ठूलो मानिसको भेला हुने खालका हाट बजारहरु बन्द गर्नुपर्ने अवस्था आएकाले त्यसतर्फ उद्योग वाणिज्य संघ, स्थानीय तहलाई ध्यानाकर्षण गराउने, सिन्धुली अस्पतालमा स्थापना भएको आइसोलेसन वार्डलाई मापदण्ड अनुसार व्यवस्थित गर्ने, क्वारेन्टाईनको व्यवस्थाका लागि तयारी गर्नुपर्ने लगाएतका विषयमा सहजीकरण गर्नुपर्ने लगाएतका विषयमा समेत छलफल भएको छ ।
यस्तै कोरोना भाइरसको हल्लामा भएका कृतिम अभाव कम गर्न अनुगमन गर्न पनि सरकारी निकायको ध्यानाकर्षण गराउने नागरिक समाजले जनाएका छन ।
कार्यक्रममा स्वास्थ्य कार्यालय सिन्धुलीका प्रमुख जितेन्द्र कुमार शाहले कोरोना भाईस, यसको संक्रमण, लक्षणहरु, जोगिने उपायहरु, हालसम्म नेपालको तयारी, नागरिक समाज र पत्रकारहरुको भूमिकाका विषयमा सहजीकरण गरेका थिए । उनले जिल्लामा औषधिको अभाव नभएको समेत जनाएका छन । 
यस्तै उनले नागरिक समाज र पत्रकारहरुको सकारात्मक सहयोगको अपेक्षा रहेको समेत वताएका छन । उनले कोरोनाबाट बच्ने उपाय र सावधानीलाई सकारात्मक रुपमा सन्देश दिन सबैको सहयोग आवश्यक रहेको बताए ।
सिन्धुली अस्पताल विकास समितिका अध्यक्ष प्रलाद कुमार पोखरेलले औषधिको अभाव भएको हल्लाले सुगर प्रेसरका औषधि चाहिने भन्दा बढी खपत हुने गरेकोे बताए । उनले अनावश्यक सन्त्रास र हल्लालाई कम गर्न नागरिक समाज र सञ्चारको भूमिका महत्वपूर्ण हुने बताए । उनले सिन्धुली अस्पतालको आईस्युलेसन वार्डलाई व्यवस्थित गर्न संघसंस्थालाई सहयोग गरिदिन आग्रह गरेका छन । यस्तै उनले उक्त वार्डमा काम गर्ने कर्मचारीलाई लगाउने सुरक्षा पोशाक उपलब्ध गराई सहयोग गरिदिन संघसंस्थालाई आग्रह समेत गरेका छन ।
यसैबीच कार्यक्रममा सामुदायिक मेलमिलाप कार्यक्रम सिन्धुलीले स्वास्थ्यकर्मीको एप्रोन (पोशाक) खरिद सिन्धुली अस्पताललाई सहयोग गर्ने र सचेतनाको काम समेत गर्ने भएको छ ।
कार्यक्रममा बोल्दै नेपाल पत्रकार महासंघका केन्द्रीय सदस्य द्वारिका काफ्लेले सञ्चार क्षेत्रले सचेतनाका कार्यक्रम अगाडी बढाउने र प्रचारात्मक सहकार्य आवश्यक रहेको बताए ।
