सिन्धुली/दुधौली नगरपालिका विहिबार पूर्णखोप सुनिश्चित भएको नगरपालिका घोषणा भएको छ । दुधौली नगरपालिका क्षेत्रमा रहेका ९२ प्रतिशत बालबालिकाले खोप पाएको सुनिश्चित भएपछि पूर्णखोप युक्त नगरपालिका घोषणा गरिएको हो ।
नगरपालिकामा १ हजार ४ सय ५१ जना बालबालिकाले खोप पाएका छन । नगरपालिकाका मेयर घनश्याम राउतको अध्यक्षता तथा जिल्ला समन्वय समिति सिन्धुलीका संयोजक शंकरराज बर्मा तिवारीको प्रमुख आतिथ्यतामा घोषणासभाको आयोजना गरि पूर्णखोप नगरपालिका घोषणा गरिएको हो ।
नगरपालिकाका १५ महिनासम्मका बालबालिकाहरुलाई बिसिजी, लहरेखोकी, भ्यागुते रोग, धनुष्टंकार, हेपटाइटीस्, निमोनिय लगाएतका ११ वटा खोप लगाएपछि नगरपालिकालाई पूर्ण खोप सुनिश्चित नगरपालिका घोषणा गरिएको नगरपालिकाका स्वास्थ्य शाखा संयोजक तिलकेश्वर यादवले बताए ।
नगरपालिकाले २६ वटा खोप केन्द्र संचालन गर्दै बालबालिकाहरुलाई खोप लगाउदै आएको छ ।
